Суицидни мисли, важи за најплатената пејачка во Албанија – Која е атрактивната Луана Вјолца? (фото)

Луана е меѓу ретките познати личности во регионов што не се срами да го покаже лицето без шминка, па така таа на Инстаграм објави фотографии од пред и потоа со кои сакаше да покаже во колкава мера нејзиниот изглед зависи од добрата шминка и филтерите.

„Какви сме на Инстаграм, наспроти тоа какви сме во реалноста... Никогаш не знаеме што се крие зад една насмевка. Бидете љубезни. Им праќам љубов на сите оние што денес немаа добар ден. Сакајте се себеси, разубавете се, живејте, борете се и следете ги сопствените соништа, посилни сте отколку што мислите“ – напиша таа до фотографиите.

Таа исто така, откри дека на телото има тетоважа со „точка-запирка“, која вообичаено ја ставаат луѓето што во минатото имале борба со менталното здравје и кои се справувале со суицидни мисли.

Оваа тетоважа најчесто значи дека луѓето направиле избор да го продолжат животот, затоа што семантички знакот точка-запирка значи дека реченицата продолжува. На фотографијата од тетоважата што Луана во една прилика ја објави на Инстаграм Стори, кратко напиша:

„Трауми“.

За неа подолго време се шпекулира дека е во врска со нејзиниот менаџер од Косово, Кренар Чочајн, но, ниту убавата пејачка, ниту тој досега не ги коментирале гласините.

Фото: Фејсбук

Повеќе фотографии во продолжение:

https://www.instagram.com/tv/CdkxV-yIFsK/?utm_source=ig_web_copy_link

 Б. С. Б. | Црнобело