Запознајте го најзгодниот хигиеничар од Србија - има 33 години и горд е на професијата (видео)

Детали

вторник, 08 февруари 2022

Со видеата во кои покажува како изгледаат неговите секојдневни обврски на работното место, Србинот Јовица Васиќ стана вистинска ѕвезда на ТикТок, а е прогласен за најзгодниот хигиеничар.

Јовица Васиќ (33) од Србија неофицијално е прогласен за најзгодниот хигиеничар во Србија. Тој веќе 15 години работи за јавното градско претпријатие „Градска чистота“ во Белград, а го привлече вниманието на јавноста со добриот изглед и извајаното тело со тетоважи.

Јовица вели дека воопшто не ја очекувал славата што му ја донесе неговиот профил на ТикТок. Тој почнал да ги објавува видеата во кои се гледа како изгледа неговото секојдневие на работното место и за да покаже дека не се срами од тоа што го работи. 

На снег, на дожд, во секакви временски услови... Јовица редовно ги доловува предизвиците со кои се соочува на работното место, а неговите постови се забавни и ги засмеваат следбениците.

„Мојот помлад брат има профил на ТикТок и видов дека постојано нешто објавува, па така и јас ја добив идејата. Откако видов дека првото видео има многу прегледи одлучив да продолжам со снимање“ – вели тој.

Младиот Србин не е оженет, но има две ќерки на возраст од 10 и 11 години. Тој неодамна гостуваше во емисијата Jutro на Prva, каде кажа дека славата што ја стекнал му годи, но сепак останува скромен.

„Целосно сум сконцентриран само на работата. Секое утро се будам во 10 до 5, се подготвувам и тргнувам. Некогаш станував во 10 до 4, но тоа се промени.

Во 6 часот веќе сум на терен, секој тим има сопствен терен, јас сум во главно на Вождовац, а работата не е тешка откако ќе се навикнете.

Позитивната страна на мојата работа се колегите, затоа што сите се супер. Има луѓе што сакаат да ме снимаат и да ме фалат“ – вели Јовица.

Тој вели дека нема некакви особени планови за иднина, но рече дека и во иднина ќе снима видеа со кои ќе покаже дека не се срами од сопствената професија и од тоа што чесно ја заработува платата.

Погледнете некои негови видеа:

@jovicavasic89

 

♬ Rocky Theme - Gonny Fly Now - The Fan Lounge

@jovicavasic89

 

♬ Genge - Relja & Rasta

Б. С. Б. | Црнобело