Видеото што ја стопи цела Србија: Татко без нозе во инвалидска количка го влече детето на снегот

Детали

четврток, 16 декември 2021

Љубовта на таткото не познава граници. Тоа што еден татко го направи за да му овозможи и на неговото дете да ја почувствува радоста на снегот ја разнежи и ја стопи цела Србија.

Делови од Србија деновиве се под снег, а меѓу нив беше и градот сремска Митровица. Додека за возрасните снегот може да претставува проблем, тоа не е така и за најмалите.

Децата се оние што најмногу се радуваат на снегот и додека голем број родители не се во можност да излезат и да си играат со нивните деца и да им дозволат да уживаат во снежните лудории, она што овој татко без нозе го направил разнежи и расплака многу срца во цела Србија.

На Фејсбук страната Moj grad Sremska Mitrovica се појави видео со насловот „Татковската љубов е преубава“, на кое се гледа како неподвижниот татко за да го израдува сопственото дете и за да му овозможи и тоа да се радува на снегот со јаже закачил гума за пливање на неговата количка и ја влече ќеркичката која ужива во возењето.

Видеото стана вирално на социјалните мрежи, а во моментов има над 11.000 лајкови.

„Тато може сѐ“, „Не се сите татковци такви“, „Браво тато“ – се само некои од пофалните коментари што овој татко ги доби по објавата.

Погледнете го видеото во продолжение:

Б. С. Б. | Црнобело