„За 60 секунди бев облечена и надвор“ – Јелена Јованова за силниот земјотрес кој ја погоди Хрватска утрово
- Детали
- понеделник, 28 декември 2020
„За 60 секунди бев облечена и веќе надвор. Минатиот пат ми требаа 180. Напредок!“ – напиша актерката Јелена, која живее во Загреб, откако утринава (28.12.2020), Сисак и Петриња беа погодени од силни земјотреси од 5 степени по Рихтер, кои беа почувствувани и во Загреб и околината.
фото: Фејсбук Јелена Јованова/Инстаграм nova.tv
Хрватите во околината на Сисак, Петриња и Загреб беа разбудени утрово во 6.28 часот од силен земјотрес со јачина од 5.2 степени според Рихтер, по кој следеше уште еден од 5 степени во 7.49 часот со епицентар во околината на Сисак, а во меѓувреме се забележани и неколку послаби потреси, според Европско-медитеранскиот сеизмолошки центар.
„Боже, не пак“, „Беше ужасно“, „Никогаш не сме почувствувале вакво нешто“, се само дел од коментарите на официјалната страна на ЕМСЦ и на социјалните мрежи, откако Хрватска беше погодена со силен земјотрес кој бил почувствуван во повеќе градови и села, a жителите веднаш се нашле на улиците.
Инаку, во март годинава, Загреб беше погоден од силен земјотрес од 5.3 степени според Рихтер, кој предизвика голема паника кај граѓаните, а војници и навивачи им помагаа на родилките и бебињата кои беа на улица.
Засега, хрватските медиуми известуваат дека нема настрадани од декемвриските потреси, но има нанесена штета и урнатини во градовите, паднати се фасади и има оштетени автомобили.
На социјалните мрежи се објавуваат фотки од градовите по земјотресот кој утринава ја погоди Хрватска:
Kolegi iz Hrvaške so poslali fotko iz Petrinje cc @seizmo_hr #potres #earthquake pic.twitter.com/RGReo9GRq8
— Sebastijan Kerše 🇸🇮 (@termie1) December 28, 2020
Нашата актерка Јелена Јованова, која живее во Загреб, се огласи на социјалните мрежи по утринскиот земјотрес.
„За 60 секунди бев облечена и веќе надвор. Минатиот пат ми требаа 180. Напредок! Браво ја! Значи доста е! Доста! П.С. Добро сме! Фала ви луѓе!“
Za 60 sekundi bev oblecena i veke nadvor. Minatiot pat mi trebaa 180. Napredok! Bravo ja! Znaci dosta e!!! Dosta! p.s. Dobro sme! Fala vi luge 🙏❤️
Posted by Jelena Jovanova on Monday, December 28, 2020
М. М. | Црнобело
Би можело да ве интересира:
Препорачуваме
Најчитани неделава
