Плаќаат по 500 евра за фотка со најзгодниот турски актер со македонски корени - Како Џан Јаман ги освои дамите низ Европа?

Детали

четврток, 26 септември 2024

Каде и да оди го прогонуваат жени, а некои обожавателки плаќаат и по 500 евра за да го видат одблиску и да се сликаат со него. По раскинувањето со Дилета Леота, тој ги избриша сите профили на социјалните мрежи, а остана да живее во Италија – Што прави Џан Јаман?

Турскиот актер Џан Јаман (34) на македонската публика ѝ стана најпознат по улогата во турската серија „Романтичарот“, но во последните неколку години тој многу повеќе е сконцентриран на својата интернационална кариера, како и на добротворната работа.

Актерот пред неколку години се отсели од родната Турција и во моментов живее во Италија, а според последните информации, тој има намера да се пресели во Шпанија, каде ќе продолжи да ја гради својата кариера.

Џан Јаман, во моментов е актуелен заради улогата на пиратот Сандокан во истоимената серија, а во слободно време е сконцентриран на хуманитарната работа и на неговата организација „Can Yaman for Children“.

Познато е дека турскиот заводник има македонски корени и дека неговите баба и дедо по мајка се со потекло од Македонија и Косово и емигрирале во Турција.

Инаку, тој пред неколку години привлекуваше внимание со врската со најпознатата италијанска спортска новинарка Дилета Леота, но по раскинувањето се чини дека целосно се повлече од јавноста и ги избриша сите профили на социјалните мрежи.

Сепак, турскиот актер има голем број обожаватели кои се трудат редовно да ги објавуваат неговите најнови фотки и да бидат во чекор со случувањата во неговиот живот.

Засега во италијанските и турските медиуми постојано се шират гласини за тоа која е неговата нова девојка, но Џан не сака да зборува јавно.

Летово тој беше фотографиран на Миконос, како ужива со една мистериозна девојка, но засега не се знае која е таа.

https://twitter.com/ostorogottv/status/1826585707344740754

Често на социјалните мрежи во изминатите години се појавуваа видеа на кои се гледа дека додека е излезен го прогонуваат голем број девојки и обожавателки, кои сакаат да се фотографираат со него.

Продолжува на следната страница...