Венчавка, крштевка и втора бременост - Тамара Милановиќ од „X-фактор“ славеше за три работи во еден ден
- Детали
- четврток, 20 јуни 2024
Тамара Милановиќ, една од миленичките во „Х-фактор“, која се натпреваруваше заедно со нашиот Даниел Кајмакоски, правеше црковна венчавка и крштевка на ќерката, а откри и дека со сопругот чекаат второ дете.
Пејачката Тамара Милановиќ, која се прослави со своето учество во музичкото шоу „Х-фактор“ во 2013, е бремена со своето второ дете.
Првата ќерка ја роди во март 2023.
Веста за бременоста ја откри на Инстаграм, каде што сподели фотки од крштевката на својата прва ќерка, но и од црковната венчавка со својот сопруг, која се случувала во исто време.
„До месечината и назад“, напиша таа.
За оваа пригода, Тамара избра долг широк фустан под кој се гледа нејзиното трудничко стомаче.
Ќерката, пак, ја облече во сличен стил како себе.
Пејачката која го освои регионот со својот глас, мил поглед и продорни сини очи, брзо по завршувањето на „Х-фактор“ се повлече од јавноста и долго време не споделуваше ништо за својот приватен живот.
Под притисокот на популарноста, таа се пресели во Катар, каде што работеше во агенција за откривање таленти, а кратко време работеше и како модел.
Пред неколку години се врати во Србија, каде што повторно ѝ се посвети на музиката, а настапува под уметничкото име Lilliewah.
Откако го роди своето прво дете, Тамара е поактивна на социјалните мрежи и често објавува фотографии со ќерката и сопругот.
Погледнете повеќе фотографии:
Продолжува на следната страница...
Би можело да ве интересира:
Препорачуваме
Најчитани неделава
