Стефан Ѓуриќ Раста итно пренесен во болница: „Во вакви ситуации човек сфаќа кого има покрај себе“

Детали

четврток, 25 април 2024

„Денес одам на операција. Се надевам на брзо закрепнување и дружење“ – напиша раперот Стефан Ѓуриќ Раста, меѓу другото, откако објави дека бил итно хоспитализиран заради огромни болки.

Обожавателите на српскиот музичар Стефан Ѓуриќ Раста останаа загрижени откако тој на својот Инстаграм профил сподели фотки на кои се гледа дека се наоѓа во болница.

Раперот за првпат објави фотки од болницата пред два дена (23.04), а познато е дека заедно со него била и неговата нова, 15 години помлада девојка Марија Балабан.

Раста не соопштува кој бил здравствениот проблем со кој се соочува, но Telegraf.rs повикувајќи се на сопствени извори блиски до раперот, пишува дека тој имал проблеми со ‘рбетот и не можел да стои на нозе, по што девојка му веднаш го однела во болница.

Според нивните информации, раперот итно треба да биде опериран.

Инаку, освен фотките од болница, Стефан на Инстаграм Стори им се заблагодари на фановите за загриженоста и за пораките за побрзо закрепнување, но упати и дрски и неубави желби до оние кои немаат разбирање за него. 

„Ви благодарам на сите на бескрајната поддршка и помош, за жал дури во вакви ситуации човек сфаќа кого има покрај себе.

А јас ги имам најпрекрасните луѓе и ви благодарам за тоа. Денес одам на операција. Се надевам на брзо закрепнување и дружење на досега закажаните настапи.

На оние што се безобразни и без разбирање ви го посакувам истото што ми се случи и мене и да даде Бог никогаш да не присуствуваат на мој настап, затоа што тоа не е мојата публика.

Сите останати ве сака Раста“ – порача тој.

Инаку се верува дека Раста има дискусхернија, односно пролапс на дискот што се наоѓа меѓу два пршлени. Заради тоа, раперот во болница бил примен со огромни болки.

Б. С. Б. | Црнобело