Северина емотивна на 12-тиот роденден на синот: „Во Сплит врнеше снег, а јас го родив најубавиот ангел на светот“
- Детали
- вторник, 20 февруари 2024
„Во 23:05 се роди најубавиот ангел на светот, а јас станав најсреќната жена на светот. Среќен роденден синко...“, напиша Северина на фотографијата што ја објави на Инстаграм за да му го честита роденденот на Александар, над кого, неодамна, повторно го загуби старателството.
Хрватската ѕвезда Северина објави фотографија направена на Малдиви, а со која му го честита роденденот на својот син, Александар, но и на Томица Петровиќ, нејзиниот долгогодишен пријател, кој, наводно бил виновен за разводот на пејачката и Игор Којиќ.
Таа покрај фотографијата раскажа кратка приказна за тоа што се случувало пред раѓањето на Александар.
„Пред 12 години падна снег во Сплит... Мојот Томица беше со мене во породилиштето, но замина за да го прослави својот роденден кај Грашо. Заспав околу 20:00 часот и реков: 'Не ме будете'.
Во 21:05 ме разбуди докторот и ми рече: 'Северина, време е, да одиме во салата за породување'.
Во паника го зедов мобилниот телефон да ѝ се јавам на мајка ми. На мобилниот имаше порака од Томица...
'Ајде хани, опа, опа, јас и Александар да славиме заедно'.
Во 23:05 се роди најубавиот ангел на светот, а јас станав најсреќната жена на светот. Среќен роденден синко... и на тебе, хани“, напиша Северина.
Таа доби многу честитки од фановите, кои, меѓу другото, ѝ посакаа што поскоро да е со синот, над кого неодамна повторно го загуби старателството.
Томица Петровиќ, пак, или „човекот во црно“ како што го нарекуваат хрватските медиуми се грижи за кариерата на Северина од 2000-та година.
Тие се разделија во 2019-та, а откако пејачката и официјално се разведе од Игор Којиќ, Томица повторно ѝ стана менаџер.
Прочитајте и Северина на Малдиви со мажот кого Игор Којиќ го обвини за нивниот развод: „Тој и синот ми се најдраги“
А. Ј. | Црнобело
Би можело да ве интересира:
Препорачуваме
Најчитани неделава
