Смешно видео од Тони Цетински – Падна среде настап, вели дека сакал да „скокне“ во публиката

Детали

недела, 18 февруари 2024

„Сакав да се фрлам во публиката“ – Тони Цетински се пошегува на сопствена сметка, откако на социјалните мрежи и во балканските медиуми беа објавени видео снимките на кои се гледа како падна на сцената среде настап.

Хрватскиот пејач Тони Цетински на денот на Вљубените имал свој настап во Белград, a видеата од неговиот пад на сцената се вистински хит на социјалните мрежи.

Видеата снимени речиси од секој агол масовно се споделуваат на социјалните мрежи и низ балканските медиуми.

Како што може да се види Тони пред публиката го пееше својот огромен хит „Нека те одведе“ и во еден миг кога сакаше да ја повика публиката да пее во еден глас со него, тој загуби рамнотежа и падна до работ на бината.

https://www.youtube.com/watch?v=McTBCF-fTHU

Неговите колеги веднаш притрчаа да му помогнат, а видеото го сподели и самиот Тони на својот Инстаграм профил, па се пошегува на сопствена сметка:

„Сакав да се фрлам во публиката, а кореографиите не ми одат. Но, затоа продолжувам да пеам како ништо да не се случило“ – напиша Тони до видеото и ги покани своите следбеници на концертот во Арена Загреб.

https://www.instagram.com/reel/C3Zm18ktw0N/

Видеото од падот на Тони стана хит на социјалните мрежи. Некои коментираат дека е очигледно оти пејачот испил повеќе од потребното,а други, пак велат дека е сосема нормално и секому може да му се случи.

Погледнете уште едно видео од падот на Тони:

@republikatv

#tonicetinski #nastup #toni #nekateodvede #republikatv

♬ original sound - RepublikaTV

Б. С. Б. | Црнобело