Ѕирнете во гардероберот на Џина и Мелина Џиновиќ – Скапи чанти и обетки вредни 11.000 евра

Детали

петок, 02 февруари 2024

Облека, накит и чанти кои чинат неколку стотици илјада евра... Ова може да се види од видеата што ќерката на Харис и Мелина Џиновиќ го објави на социјалните мрежи.

Низ балканските медиуми деновиве брзо се прошири веста дека пејачот Харис Џиновиќ се разведува од сопругата Мелина, а според некои тврдења, модната креаторка ја напуштила семејната вила, а децата Џина и Кан останале да живеат со татко им.

Ќерката Џина неодамна сподели едно видео во кое им даде можност на нејзините обожаватели да ѕирнат во нејзиниот гардеробер во вилата вредна 2 милиони евра.

На сите им е познато дека Харис и Мелина не штедат кога станува збор за облеката и изборот на модни парчиња што ги купуваат и за себе и за своите деца, а како што може да се види, гардероберот на двете дами во семејството вреди вистинско богатство.

Меѓу чантите преовладуваат популарните Birkin на францускиот бренд Hermès, чијшто производи чинат вистинско богатство, а се омилени меѓу некои од познатите светски личности како Џеј Ло и Џорџина Родригез.

Освен тоа, има модели и на Prada, а Џина во една пригода се пофали со чантата на Chanel која чини неколку илјади евра.

Во една пригода Џина ги покажа обетките на Van Cleef & Arpels кои чинат околу 11.000 евра. Станува збор за златни обетки кои се инспирирани од листовите на детелина.

Претходно, и мајка ѝ на Џина даде изјава во која потврди дека воопшто не штеди кога станува збор за облека, накит и чанти.

„Јас сум болен вљубеник и колекционер на чанти. Треба да се контролирам себеси, но добро е што не купувам работи што се во тренд, туку извлекувам работи од пред 10 години што може да се носат.

Тоа се класични работи што секогаш можам да ги искористам“ – изјави Мелина.

Б. С. Б. | Црнобело