Браво! Србин пушта кучиња скитници во својот локал за да се стоплат во зима (видео)
- Детали
- петок, 22 декември 2023
„Пред нашиот локал секогаш има садови со вода, особено на лето кога е многу жешко, а преку зима поставуваме чергичиња за да можат да се стоплат. Понекогаш влегуваат и во локалот да се згреат, како ретриверот од видеото, кој е многу добар и сака да се гали“, вели Урош Рогиќ кој стана херој во регионот.
Урош Рогиќ од Ужице стана вистински херој во регионот, откако на ТикТок се појави видео како им дозволува на кучињата скитници од градот да влезат во локалот каде што е менаџер и да се стоплат.
Ова предизвика воодушевување и комплименти и за локалот, и за сопствениците.
„Драги ужичани, не пропуштајте да отидете во овој локал и да се напиете кафе кај ова прекрасно момче со големо срце. Браво!“,
„Секоја чест добар човеку“,
„Има надеж за овој свет, покрај сите зла што ги гледаме, убавината на твојот гест нè смирува“, се дел од коментарите на видеото што се споделува.
Менаџерот на локалот, пак, Урош Рогиќ, не смета дека направил нешто невообичаено.
„Добив многу повици и пораки поврзани со оваа снимка, но тоа не е ништо невообичаено. Напротив, би требало да е многу нормална појава.
Пред нашиот локал секогаш има садови со вода, особено налето кога е многу жешко, а преку зима поставуваме чергичиња за да можат да се стоплат.
Понекогаш влегуваат и во локалот да се згреат, како ретриверот од видеото, куче кое е многу добро и сака да се гали“, вели тој.
Урош за локалните медиуми открива и дека навечер се собираат многу улични кучиња, па дека на минувачите не им е секогаш пријатно, но тој смета дека луѓето мора да научат да живеат со нив и покрај нив.
Рогиќ е љубител на кучиња и од неговиот Инстаграм профил може да се види дека и самиот чува неколку, кои често спијат покрај него, а тој ги објавува фотките на социјалните мрежи.
https://www.instagram.com/p/CvUNwg2NeAgnSd3wot3JLT4f2xfRGw1iclSGnI0/
Погледнете го видеото:
@oglasnatabla #dog #pas #kafekorzo ❤️😊
♬ Originalton - 𝑁𝑜𝑡𝑎❤️𝑠❤️𝑒𝑚𝑜𝑐𝑖𝑗𝑜m?
А. Ј. | Црнобело
Би можело да ве интересира:
Препорачуваме
Најчитани неделава
