Белград е претворен во зимска бајка: Божиќен маркет, лизгалиште на отворено (фото)
- Детали
- четврток, 14 декември 2023
Белград е секогаш одличен избор за викенд патување, но во времето на празниците, има посебен шарм. Затоа, ако немате планови за овој или следниот викенд, заминете во соседството и уживајте во белградската зимска бајка...
Белград веќе неколку недели живее во духот на новогодишните и божиќни празници. Градот е накитен и осветлен со илјадници сијалички, елки, украси...
Од кафулињата се слуша празнична музика, а локалците и туристите се топлат со чашка греено вино или чај и уживаат во празничната атмосфера.
Недостасува уште снегот за градот да делува како да е од зимска бајка.
И покрај тоа, Белград во декември е супер (викенд) дестинација - блиску е, има одлично сместување за евтина цена (ако немате родни или пријатели кај коишто можете да преспиете), превкусна храна, одличен ноќен живот, но и божиќен базар кој нуди забава за сите генерации.
Ако Белград е вашиот избор, тогаш вистинската зимска идила ќе ја доживеете со посетата на „Белград на вода“.
Во куќарките на божиќниот базар ќе можете да си купите уникатни сувенири, да вкусите топло чоколадо, да се згреете со ароматично вино или да се насладите со нешто благо и вкусно.
Ако знаете да лизгате, тука е и лизгалиштето на отворено, а ако сакате добра забава, посетете некој од концертите што се организираат.
Погледнете дел од атмосферата преку фотките објавени на Инстаграм:
А. Ј. | Црнобело
Би можело да ве интересира:
Препорачуваме
Најчитани неделава
