Поранешната сопруга на Огњен Амиџиќ објави фотка со дечкото, а девојка му на Огњен со трудничко стомаче на Миконос

Детали

вторник, 19 септември 2023

Поранешната сопруга на Огњен Амиџиќ покажа дека ужива со новиот дечко, додека девојката на Огњен се фали со трудничкиот стомак, додека е на одмор на Миконос.

Неодамна актерот и ТВ водител Огњен Амиџиќ (48) потврди дека со неговата 20 години помлада девојка Мина Наумовиќ го очекуваат своето прво заедничко дете и дека тој повторно ќе стане татко, откако од бракот со манекенката со македонско потекло Данијела Димитровска го доби синот Матеј.

Убавите вести ги потврди и актерот, и се знае дека Мина е во петтиот месец од бременоста, а тој рече дека веќе се знае и полот на бебето, но не сака да го сподели со јавноста затоа што сака да се увери дека информацијата е 100 отсто точна.

https://www.instagram.com/p/CseBzzgNqkI/?hl=en

Инаку, тој претходно во една пригода изјави дека посакува да добие ќерка.

Откако Огњен во медиумите потврди дека по вторпат ќе стане татко и дека Мина планира периодот во бременоста да го помине зад камерите и да не се фотографира, затоа што не сакала сите да ја гледаат со труднички стомак, тие двајца заминаа на одмор на Миконос.

Сепак, Мина оттаму сподели фотки на кои веќе се наѕира трудничкото стомаче, а заедно позираа и за реклама за лабораторија, каде Мина се појави само во сина кошула.

Поранешната сопруга на Огњен, пак, Данијела Димитровска продолжи со својот живот.

Таа неодамна ја започна кариерата како ТВ водителка во српската телевизија Blic, а на Инстаграм сподели фотка со нејзиниот нов дечко, поранешниот фудбалер Јеврем Косниќ, кој од неа е помлад 6 години.

Со објавувањето на оваа фотографија Данијела и официјално потврди дека е во врска со згодниот млад фудбалер, а голем број од нејзините следбеници коментираат дека Јеврем е многу подобар партнер за неа од Огњен.

„Баш убаво си одговарате“, „На ова момче многумина ќе му завидуваат каква девојка има. Мора да си многу добра личност кога Бог ве составил“, „Убавината и паметот секогаш одат заедно. Конечно вистински избор на маж“ – порачаа дел од нејзините следбеници.

Б. С. Б. | Црнобело