Македонка прави модни илустрации: „Среќна сум кога Лила, Тамара, Лоба споделуваат мои дела“

Детали

четврток, 16 август 2018

Марија Палоска е млада, талентирана и креативна и е вистинска инспирација со љубовта и посветеноста кои ги чувствува кон своето хоби.

Хобито е одличен начин да избегате од напорното секојдневие полно со обврски, плус е вистинска храна за духот. 19-годишната Марија Палоска од Скопје, која е студент на Економскиот факултет, вели дека животот не може да си го замисли без своето омилено хоби - модните илустрации.

На прашањето зошто ова не ѝ стане професија, Марија вели:

„Хоби е нешто што нè одмора од обврските и прави да се чувствуваме среќни и исполнети, па затоа не сакам да ја уништам магијата.“

Таа открива дека уште како  мало девојче обожавала да ги црта креациите од телевизија и да смислува и свои уникатни илустрации. Своите дела ги споделува на Инстаграм профилот, кој го има веќе неколку години.

https://www.instagram.com/p/BmVbHOHghNN/?hl=en&taken-by=m_illustrations23

Во секоја илустрација вложува многу време, енергија и љубов.

„Многу ми значи кога ќе ги видам моите креации споделени кај Лила Филиповска, Марјана Станојковска, Жаре од Еден на еден, Тамара Тодевска, Викторија Лоба, светската блогерка Xenia и други познати личности.“

За себенадградбата...

„Сè уште се трудам да се подобрувам и да вежбам и да усовршам некои работи. Критиките се секогаш добредојдени и треба да ги прифаќаме онака како што ги прифаќаме пофалбите.

Од неодамна почнав да правам и персонализирани илустрации како еден уникатен подарок за родендени или други пригоди, а нивната цел е секоја девојка да се чувствува посебна и убава на свој начин.

Често ги гледаме познатите на илустрациите на светските артисти и се воодушевуваме колку добро изгледаат нацртани и со колкаво внимание тоа е направено, а нешто слично сакам да понудам и јас во нашата земја и колку што можам да направам девојките да се чувствуваат убаво, како во сопствената кожа, така и на мојата илустрација.“

Некои од делата на Марија што ги споделува на Инстаграм:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело