Магдалена (22) од Тетово е дизајнер на ентериери во Комо: „Жена бараше вграден сеф во спалната за нејзините Hermes чанти“

Колку ти се смени стилот на облекување откако се пресели во Италија?

Да ви покажам слика и од пред 10 години и некоја од денес - не сум сменета.

Но, сепак јас сум дизајнер, уметник со слободен креативен дух. И секогаш гледам да има мој печат на мојот аутфит.

Откога почнав со работа, поголемиот дел од времето сум скоцкана што би рекла мајка ми „цица-маца“.

Лично преферирам business-casual ниту многу, ниту малку - тоа е златната средина за мене.

Се дружиш ли со Македонците што живеат таму?

Да, јас се дружам со доста Балканци тука во Милано. Друго е кога го зборуваш истиот јазик, го имаш истиот хумор.

И да, си љубим да одам и на балкански забави.

Морам да ви признаам подруго е чувството да си во центарот на Милано и да ја слушаш Цеца или, пак, Чола.

Како го поминуваше времето во Милано - што има таму а што никогаш нема да го најдеме/видиме кај нас?

Аперитиво тајм е од 18 до 20 часот, кога сите улици се преполни, ечат од смеа, сите се со Аперол шприц во рака, стоечки „трачарат“ и тек-тук некој седи.

Се грицка сè нешто што е вклучено во цената на пијачката.

Додворувањето и запознавањето е многу директно, без да се плашат од одбивање…

Дали се Италијанците пријатни, гостопримливи?

Кога станува збор за северот, на пример миланезите (луѓето од Милано) се ладни, малку важни и мислат дека се најбитни, во случајов како и нашите скопјани.

Но, во глобала, а посебно на југот, Италијанците се многу позитивен и пријатен народ.

Многупати сум била поканета на италијански ручек/вечера кај мои колеги Италијани, кои се покажале доста гостопримливи.

Која италијанска храна би ја јадела секој ден да можеш (или некој пијалак) и зошто...?

Би рекла паста - чудно но вистинито јас до втора година јадев само паста бјанка (паста само со сол без никаков сос).

И така беше сè додека мојот бивши дечко Италијанец, кој е готвач по професија, не ме натера да пробам разновидна паста, и уживав во истата. 

Често си доаѓаш во Македонија, но што наше ти фали во Италија?

Секоја прилика кога можам да дојдам - јас сум во Македонија. Макар тоа било и само за викенд.

Времето поминато со најблиските е незаменливо.

Италија ми помогна да сфатам всушност колку јас ја сакам Македонија и колку често ми фали да седнам на ќебапи со газоза или, пак, во некоја добра бурекчилница. 

Каде се гледаш за 10 години од денес?

Дека ќе успеам да излезам од овој работен систем, секој ден 8 часа на работа, јади, спиј… чекаш викенд за да одмориш или за прошеташ.. и така во круг.

Се надевам ќе успеам сама да го организирам моето време и ќе работам само на мои лични проекти.

Погледнете повеќе фотографии:

Продолжува на следната страница...