Пресолената супа може да ја „спасите“ со компир - Кулинарски трикови коишто ќе посакате да сте ги знаеле порано

Овие брзи и досетливи трикови дефинитивно ќе го подобрат вашето искуство во кујната. Можеби не можете да се класифицирате како професионален готвач, но добро е да ги имате на ум овие трикови за да заштедите нерви, време, но и пари:

Одржете ги колачињата меки

За да се осигурате дека колачињата коишто сте ги испекле ќе останат меки, ставете ги во затворен сад и додадете парче свеж бел леб. Вака вашите колачиња, мафини, колачи и други печива ќе ја задржат својата свежина од првиот ден.

Замрзнете зеленчук за супа

Сакате да имате свеж зеленчук за супа преку целата година? Купете го зеленчукот на пазар кога е најдостапен и највкусен, измијте го, исчистете го, исечкајте го и замрзнете го во кеси со затворање. За ова ви е потребна мешавина од 2/3 кромид и 1/3 морков и целер. Вака замрзнатиот зеленчук може да трае 8 до 12 месеци.

Користете ја рерната за стасување тесто

Понекогаш во кујната може да биде многу ладно и да имате проблеми со стасувањето на тестото за домашниот леб. Ставете го лебот во рерната, но не ја вклучувајте. Наместо тоа, поставете тавче со врела вода под тестото и затворете ја рерната. Топлината и влажноста од топлата вода ќе помогнат тестото да стаса.

Замрзнете сосови за по една порција

Пластичните калапи за јајца се совршени за замрзнување мали порции од домашно направен сос којшто ви останал или сос којшто сакате брзо да го имате во случај на ненајавени гости. Кога ќе сакате да ги користите, само извадете онолку колку што ви треба и оставете го да се одмрзне во кесичка која се затвора.

Омекнете го путерот побрзо

Сигурно ви се случило да имате рецепт со путер и да морате да чекате да се опушти за да работите со него. Доколку сте заборавиле да го извадите путерот претходно, исечкајте го на мали коцки и оставете го на работната површина. Малите парчиња путер побрзо ќе омекнат.

Спречете го лизгањето на садовите

Доколку често ви се лизга садот за матење или штицата за сечкање, само ставете влажна крпа под нив и нема да го имате тој проблем повеќе.

Брзо изладете вино

Никој не сака топло вино. Најдете поголем бокал, во којшто ќе го собере шишето вино и почнете со ладењето. Потопете го шишето во ладна вода со мраз и една рака сол. На неколку минути вртете го шишето. Пијалакот ќе се излади за 20 минути или помалку.

Направете готовото лиснато тесто да изгледа како домашно

Станете врвен пекар така што ќе ги збогатите купечките лиснати теста. Оставете го лиснатото тесто да се растопи, а потоа премачкајте го одозгора со изматено јајце со една лажица вода, а потоа наросете одозгора зачини по избор. Испечете го тестото според упатството и уживајте во комплиментите.

Јајца на собна температура за поуспешни рецепти

Кога печете важно е состојките да се на собна температура. Затоа доколку ги вадите јајцата директно од фрижидерот, прво ставете ги накратко во сад со топла вода, за да не чекате да ги употребите.

Продолжува на следната страна...