Полнети „бротчиња“ од тиквички со мелено месо и многу растопен кашкавал
Ова е рецепт за брза летна закуска која ќе ја обожава целото семејство.
Исклучително хранлив, со совршен спој на вкусови, овие полнети бротчиња од сезонски тиквички кои ги имаме во изобилство во овој период од годината, со сигурност е рецепт кој ќе го повторите неколкупати летово.
Потребни состојки:
- 4 тиквички со средна големина
- Сол и бибер по вкус
- 2 лажички маслиново масло
- 450g мелено месо
- 1 сечкан кромид
- 1 чешне сечкан лук
- 2 шолји доматен сос
- 1 шолја рендана моцарела (или кашкавал по вкус)
- Свеж магдонос
Начин на подготовка:
- Загрејте ја рерната на 200 степени. Обложете правоаголно тавче со хартија за печење.
- Измијте ги тиквичките и исечете ги на половина, по должина. Издлабете ги во средината со цел да имате место за филот.
- На тавче загрејте малку маслиново масло, додадете го сечканиот кромид и лукот. Откако ќе ги пропржите, додадете го меленото месо и зачинете по вкус, па продолжете со пржење на средна температура додека не се зготви. Додадете доматен сос и оставете малку да прокрчка.
- Сосот треба да биде густ. Секое издлабено „бротче“ од тиквичка наполнете го со подготвениот сос. Потоа додадете рендан кашкавал или моцарела.
- Печете околу 25 минути додека тиквичките не омекнат, а кашкавалот добро не се растопи.
- Посипете со свежо сечкан магдонос.
(О)Милена | Црнобело
Би можело да ве интересира:
Рецепт за сладок божиќен венец со Нутела
Пред новогодишните празници можете да го пробате рецептот за овој вкусен божиќен...
Рецепт за кремасто орзо со пилешко и лимон
Ако досега не сте ги вклучиле орзо тестенините во своето мени, ви предлагаме да ...
Рецепт за ѓевречиња со фета сирење
Децата ќе ги обожаваат, а ни гостите нема да може да им одолеат - овие ѓевречиња...
Рецепт за мини погачи со моцарела и копар, меки како душа
Направете домашни мини погачи со копар и моцарела - нема да дочекате да остинат ...
Рецепт за кремасто тирамису со лимон и пишкоти
Овој викенд ви предлагаме да подготвите лесен кремаст колач со лимон во чиј вкус...
Рецепт за чоколадни пралини со малини и кокос
Свеж и егзотичен вкус поради комбинацијата од малини и кокос - овие пралини ќе в...
Препорачуваме
Најчитани неделава
