Вкусен и лесен лимонов тарт – истовремено сочен, сладок и киселкаст десерт
Зошто го одбравме токму овој рецепт за домашен тарт со вкус на лимон? Неговата сладост и киселост во исто време, едноставната подготовка, 7 основни состојки кои нема да ве чинат многу - доволно е?
Воедно, за овој десерт не е потребно месење, и претставува одлична можност да се покажат сите пекари-почетници и е забавен проект за готвење со дечиња.
Потребни состојки:
За кората:
- 130g обично, бело брашно
- 110g несолен путер
- 4 лажици шеќер во прав
За филот со лимон:
- ¼ чаша слатка павлака за готвење
- ¼ чаша бел шеќер
- 1 големо јајце
- Сок од 1 голем лимон (или најмалку 1/3 чаша)
Начин на подготовка:
- Во подлабок сад, измешајте ги брашното, стопениот путер и шеќерот во прав додека не добиете меко тесто.
- Притиснете го тестото на дното од калапот за печење и обложете ги и страничните делови. Тестото прободете го неколкупати со виљушка.
- Печете околу 20 минути на 190°C. Потоа извадете ја кората и оставете ја да се излади. Намалете ја температурата на рерната 150°C.
- Во друг сад, изматете го шеќерот, јајцето, слатката павлака и сокот од лимон. Внимателно истурете го врз изладеното тесто.
- Вратете го тестото со филот во рерната и печете уште 35-40 минути или додека целосно не се стегне филот.
- Оставете тартот целосно да се излади пред да го извадите од плехот. Посипете со шеќер во прав и послужете.
(О)Милена | Црнобело
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Рецепти за 2 редени чоколадни торти што не се печат
Редена чоко-торта од бисквити и чоколаден прелив или торта со бела чоколада бана...
Рецепт за најбрзиот десерт од само 3 состојки
Што можете да подготвите за десерт набрзина, без да губите премногу време? За ов...
Рецепт за сочна штрудла со јаболка и цимет
Јаболка, цимет и путер - совршена есенска комбинација на која нема да можете да ...
Пица кроасани од лиснато тесто, готови за 30 минути
Одлични се и за ужинка и за вечера, но и да ги направите кога ќе ви се најават г...
Препорачуваме
Најчитани неделава
