По рецептот на баба: Посна вртена пита со кисела зелка и готови кори
Вкусна пита со кисела зелка, по рецептот на баба. Можете да ја подготвите со готови кори, па ќе заштедите време на месење и сукање.
Денес ретко кој сука кори, па практикуваме да подготвуваме месени јадења со готови кори. Во продолжение погледнете како можете да подготвите вкусна вртена пита (зелник) со готови кори.
Во голема мера рецептот за подготовка на овој зелник не се разликува од оној на нашите баби, единствено ќе заштедите време на месење тесто и сукање кори.
Потребни состојки:
- 1 поголема кисела зелка
- 1 страк праз
- Сол
- Црн пипер
- 50 ml минерална вода
- 50 ml масло за јадење
Начин на подготовка:
- Киселата зелка се сечка на ситни парчиња и се процедува од вишокот течност.
- Празот се сечка ситно и се става да се пропржи во подлабока тава на средна температура. Кога ќе омекне празот се додава и процедената кисела зелка.
- Зелката и празот се мешаат и се оставаат да се пропржат на тивок оган. Доколку има потреба може малку да додадете сол во филот и црн бибер.
- Кога зелката и празот убаво ќе омекнат се тргаат од оган и се оставаат да се оладат.
- Се пушта рерната да се загрее на температура од 180 степени Целзиусови.
- Во чаша или во друг подлабок сад се мешаат минералната вода и маслото за јадење.
- Се зема една од готовите кори и се прска со мешавина од минерална вода и масло за јадење, а потоа врз неа се става уште една кора.
- На средина на двете кори се става фил од кисела зелка и праз.
- Корите се превиткуваат на половина, а потоа се виткаат во ролат. Ролатот се реди во круг и се става на претходно обложен плех со хартија за печење.
- Постапката со корите се повторува сѐ додека не се потрошат сите кори, а ролатите се редат кружно еден до друг за да се добие пита.
- Готовата пита се попрскува со остатокот од мешавината од масло и минерална вода.
- Питата се пече на температура од 180 степени Целзиусови околу 30 до 35 минути или додека питата не порумени.
- Извадете го зелникот од рерна, оставете да се олади 10-тина минути, а потоа можете да го сервирате.
Б. С. Б. | Црнобело/ фото: depositphotos.com
Би можело да ве интересира:
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и ма...
Рецепт за вртена пита со паричка за Василица од готови кори
Рецепт што ќе им се допадне на младите, но и на искусните домаќинки. Како да под...
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Препорачуваме
Најчитани неделава
