Необичен, но вкусен рецепт – потпечени лепчиња со кашкавал, карамелизиран кромид и јаболка
Доколку сте во потрага по нови и необични вкусови и сте прилично храбри кога станува збор за експерименти во кујната, ова е вистинскиот рецепт за вас.
Крцкави, потпечени лепчиња наполнети со карамелизиран кромид, кашкавал и – јаболка. Можеби звучи чудно, но симфонијата на вкусови е неверојатна.
Вистински есенски рецепт што ќе ви ја стопли душата. Нема да се покаете.
Потребни состојки:
- 3 лажици солен путер
- 2 главици кромид, тенко исечкани
- Сол и бибер
- ¾ шолја сајдер од јаболка
- 4 парчиња пршута
- 8 парчиња леб по избор (можете да употреби бриош, обичен бел леб, леб од кисело тесто или пак интегрален)
- 2 лажици маслиново масло
- 3 шолји рендан кашкавал (најдобро е да употребите ајдамер и гауда)
- 1 големо јаболко исечкано на тенки парчиња
Начин на подготовка:
- Стопете го путерот во поголемо тавче за пржење на средна температура. Кога ќе се стопи, додадете го кромидот и гответе го околу 3 минути додека не омекне.
- Додадете половина од сајдерот од јаболка, зачинете по вкус со сол и бибер и оставете го кромидот да се готви уште минути или додека сајдерот не испари.
- Потоа додадете го преостанатиот дел од сајдерот и гответе уште 5 минути додека кромидот не се карамелизира. Тргнете го зготвениот кромид настрана.
- Запечете ја пршутата на средна температура околу 2 минути од секоја страна, додека не стане крцкава.
- Секое парче леб премачкајте го со малку маслиново масло. Врз лепчето ставете рендан кашкавал, карамелизиран кромид, сечкани парчиња јаболка и пршута. Поклопете го со другото лепче кое исто така сте го премачкале со маслиново масло.
- Запечете ги сендвичите во тавче додека добро не поруменат двете страни од лепчето, од 3-5 минути од секоја страна. Додадете путер доколку е потребно за да не ви се залепат. Сервирајте додека е топло.
(О)Милена | Црнобело
Би можело да ве интересира:
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Пита со тиква и суво грозје од готови кори – Есенски десерт за целото семејство
Подгответе идеален есенски десерт со состојки што се карактеристични за нашето п...
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
Лесен рецепт за брза вечера: Пита од тортиљи со растопен кашкавал и шунка
Мека пита со парченца шунка и растопен кашкавал, без месење, тегнење и чекање......
Брз викенд ручек за гурмани: Потпечени плескавици со растопен кашкавал
Што да подготвите ако дома имате компир, мелено месо и моркови? Може да си напра...
Рецепт за здрав домашен пудинг од јапонски јаболка и мед
Јапонски јаболка во комбинација со какао и мед за совршен здрав десерт, кој се п...
Препорачуваме
Најчитани неделава
