Сè во едно тавче – потпечени макарони со сушени домати и спанаќ
Сите обожаваме брзи и здрави, но сепак сочни ручеци кои нема да ни одземат премногу време во кујната, а ќе нè остават сити.
А најмногу сакаме кога нема потреба да валкаме повеќе од еден сад при готвењето. Затоа овие потпечени макарони се одлична идеја за викенд ручек.
Потребни состојки:
- 1 конзерва домати пелати
- 2 лажици доматно пире
- ½ шолја сушени домати (исцедени од маслото, но маслото зачувајте го)
- 30g свеж или замрзнат спанаќ
- Лук, сушен босилек, оригано, сол, црвен пипер, црн бибер
- 1 шолја црвено вино
- 1 + ½ шолја вода
- 450g макарони (ригатони, или друг вид, по желба)
- 2 шолји рендан кашкавал
- ½ шолја пармезан
Начин на подготовка:
- Загрејте ја рерната на 190°С. Подмачкајте го тавчето со димензии 9×13 cm.
- Во тавчето додадете ги доматите од конзерва, пирето од домати и сушените домати, како и 2 лажици масло (кое го исцедивте од сушените домати).
- Потоа додадете го спанаќот, сите зачини по желба и вкус, црвеното вино и 1+1/2 шолја вода. Добро измешајте ги состојките.
- Додадете ги макароните, ренданиот кашкавал и пармезанот и уште еднаш нежно промешајте, внимавајќи макароните да се целосно покриени во сосот. По желба додадете уште малку кашкавал од друг тип, како ајдамер или чедар.
- Покријте го садот со фолија за печење која сте ја намачкале со малку масло. Печете околу 40 минути. Потоа извадете ја и продолжете со печење уште 15-20 минути или додека кашкавалот целосно не се стопи и не порумени. (Надгледувајте ги макароните да не се исушат)
- Декорирајте со свежи зачински билки, а по желба може да додадете и малку кисела павлака како додаток.
(О)Милена | Црнобело
Би можело да ве интересира:
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
Пита со тиква и суво грозје од готови кори – Есенски десерт за целото семејство
Подгответе идеален есенски десерт со состојки што се карактеристични за нашето п...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Сочна паста со шери домати и фета сирење, во Air Fryer
Паста е секогаш одлична идеја, без оглед дали сакате макарони, шпагети или орзо....
Лесен рецепт за брза вечера: Пита од тортиљи со растопен кашкавал и шунка
Мека пита со парченца шунка и растопен кашкавал, без месење, тегнење и чекање......
Препорачуваме
Најчитани неделава
