Подгответе: Руска салата по рецепт од Русија

Руската салата е неизбежен дел од новогодишните празници. 

Во Русија руската салата се нарекува „Oливје“ според името на пронаоѓачот, францускиот готвач Лисјен Оливје.

Тој бил сопственик на московскиот „Ермитаж“, еден од најлуксузните ресторани во Русија и го држел рецептот во тајност до својата смрт.

Оригиналната салата според рецептот на Оливје имала една важна разлика: таа задолжително се правела со месо и се сервирала со ракчиња.

Ова е рецептот по кој се подготвува во Русија денес. Пробајте дали ви е по мерак: 

Состојки

• 500 грама компири
• 300 грама месо (говедско, телешко, пилешко или мисиркино - по избор)
• 200 грама кисели краставички
• 2 моркови
• 4 јајца
• 200 грама грашок
• 1 главица кромид
• 1 лажичка сенф
• 1 лажичка оцет
• 1 жолчка
• 300ml растително масло
• Сол (по желба)

Подготовка

Сварете ги компирите, месото, морковот и јајцата.

Исечкајте ги на мали коцкички.

Исечкајте ги краставичките и кромидот и додадете го грашокот.

Направете мајонез на следниот начин:

Ставете го сенфот, солта и жолчката во длабок сад и мешајте со миксер. Додека мешате, додајте малку масло и оцет. Не престанувајте да миксирате додека мајонезот не ја добие посакуваната густина.

Сите состојки од салатата помешајте ги со мајонезот.

На здравје!

Е. П. | Црнобело