Подгответе: Крцкава торта со наполитанки

Кој може да одолее на нешто слатко и крцкаво? Уште ако може да го подготвите сами и да ги изненадите домашните, тогаш на задоволството му нема крај.

Ова се потребните состојки:

• 8 белки
• 8 лажици шеќер
• 12 лажици мелени ореви
• 2 лажици брашно
• 1 кесичка прашок за печиво
• 1 l млеко
• 2 кесички пудинг од ванила
• 370 g маргарин
• 200 g шеќер
• 500 g наполитанки од лешник
• 200 g чоколадо
• 2 кесички шлаг

Подготовка:

Изматете ги белките, па додајте 8 лажици шеќер, прашок за печиво, мелени ореви и брашно. Потоа испечете кора од смесата.

За филот сварете го млекото и направете го пудингот од ванила со 200 g шеќер. Кога ќе се излади, додајте го маргаринот и сето тоа убаво соединете го.

Поделете го на 2 дела. Во едниот дел ставете ги искршените наполитанки, а во другиот дел додајте го стопеното чоколадо.

Филувајте по следниот редослед: кора, фил од наполитанки, фил со чоколадо.

Изматете го шлагот и исфилувајте ја тортата одозгора, а по желба може да ја прелиете и со стопена чоколада или да ја наросите со чоколадни трошки.