Брз ручек: Потпечено пире од компир

Ако сте во потрага по некоја идеја за едноставен и вкусен ручек, подгответе нешто што досега сигурно не ви текнало - потпечено пире од компири.

Лесно е за подготовка, а уште полесно за комбинирање со салати и месо.

Состојки:

• 500g компир
• 2 лажици путер
• 2 жолчки
• Сол
• Вегета

Подготовка:

Исчистете го компирот и исечкајте го на коцки. Варете го во солена вода, исцедете и испасирајте.

Додадете ја солта, вегетата, жолчките и путерот и заедно промешајте.

На тава за печење поставете хартија. Со помош на украсни кеси за шлаг направете пуслици од пире.

Ставете ги да се печат на 220 степени околу 10-15 минути, додека не заруменат.

Комбинирајте по желба, прелијте со сос, павлака или нарендајте сирење и послужете.