Apricot Sangria - инстант коктел за пречек на летото

Наскоро ќе започне летната сезона на коктели, па затоа побрзајте и бидете први кои ќе го пречекаат летото, прославувајќи со овој инстант коктел кој нема да ви одземе повеќе од 15 минути за подготовка, а ќе ви пружи целодневно уживање во неговиот неверојатен вкус.

Се подготвува во бокал или поголем сад кој ќе ви биде и повеќе од доволен за прославување.

Подгответе го уште денес, повикајте ги пријателите или семејството и пружете си го задоволството кое го нуди овој вкусен шпански коктел.

Состојки:

• 750ml црвено вино
• 3 лажици обичен сируп за коктели
• 3 портокали исечени на тенки парчиња
• 6 кајсии од кои 3 без лушпа
• 2 чаши кисела вода
• 3 лажици сок од портокал
• ¼ чаша ракија од кајсија

Подготовка:

Измешајте ги сите состојки заедно во поголем сад, освен киселата вода и мразот. Потоа оставете ги во фрижидерот околу два часа да се изладат.

Кога ќе го сервирате додадете ја киселата вода и мразот. Може да ја декорирате коктелската чаша со парче портокал.