Славни дами кои секој ден јадат иста храна

Мараја Кери

Поп дивата се придржува до строг и едноличен режим на исхрана. Нејзиното дневно мени се состои од само две состојки.

„Навистина е тешко. Би ја мразеле мојата диета. Сѐ  што јадаете е норвешки лосос и капари секој ден. Толку.“, се пожали Мараја неодамна.

Ким Кардашијан

Ким секојдневно јаде салати од ресторанот „Health Nut“, кој се наоѓа во калифорнискиот град Калабасас, близу до домот на семејството Кардашијан.

Старлетата секогаш ја нарачува салатата со кинеско пилешко, а потоа пие коктел од зелен чај, сок од манго и мед, пренесува магазинот People.

Рита Ора

Британската пејачка, пак, секогаш јаде ист појадок. Утрото го започнува со омлет од белки и лосос. Наместо омлет, таа понекогаш каснува варено јајце, повторно со лосос.

Можеби ќе ве интересира и податокот дека згодната Рита никогаш не јаде леб. Во продолжение на денот се храни со пилешко месо и зеленчук, а пие и здрави сокови.

Бела Хадид

Многумина ги изненади фактот што една од најзгодните манекенки на денешницата, везден си ја чести душата со висококалорична храна.

„Ова е мојот оброк секој ден.“, напиша Бела под сликата на која се гледа порција со полуизеден сендвич со стопен кашкавал, помфрит и малку кечап настрана.

Викторија Бекам

И славната модна икона е голема љубителка на рибата богата со омега-3 масни киселини.

Во една прилика, таа за „The Edit“ истакна дека токму таа намирница, на совет од дерматологот Харолд Лансер, всушност ѝ ја спасила кожата. „Мораш да јадеш лосос секој ден.“, ѝ рекол докторот на кого таа му ги припишува заслугите за својот тен, кој никогаш не ѝ бил подобар.

М. А. | Црнобело