6 работи кои треба да ги направите навечер за да го поттикнете слабеењето

Секако дека некои вечери се резервирани за излегување или готвење вкусна храна, пијачка на шанк или чаша вкусно вино со пријателите, но вечерите кога останувате дома, искористете ги за да го поттикнете слабеењето.

Доколку се борите со некој килограм вишок, еве што може да направите уште вечерва:

1. Вечера без сол

Ако не сакате да имате подуен стомак, избегнувајте кинеска храна за вечера бидејќи содржи многу сол. Солта се задржува во организмот преку ноќта, па утрото ќе бидете подуени повеќе од вообичаено.

2. Вечерен тренинг

Наместо да се потите наутро, направете го тоа навечер. Не се потребни специфични вежби, доволно е да се раздвижите и да бидете активни. Луѓето кои се активни многу подобро спијат навечер.

3. Подгответе ужина

Просечниот оброк во ресторан или кафуле содржи двојно поголем број на калории од оној кој ќе го подготвите дома. Затоа ви препорачуваме од денес да си ја подготвите утрешната ужина или појадокот.

4. Пијте вода

Ова сигурно веќе го знаете, но се плашите дека во текот на ноќта постојано ќе станувате за до тоалет. За да го спречите ова несакано дејство, пијте многу вода најдоцна 1 час пред да легнете.

5. Затемнете ја собата

Хормонот мелатонин му помага на организмот да согорува калории, а телото повеќе го произведува ако просторијата е мрачна.

6. Исклучете го греењето

Спиењето во просторија од 19 степени согорува 7% повеќе калории отколку спиењето во загреана соба. Вие размислете што ви е од поголема корист.

М. Д. | Црнобело