Трендови за уредување за кои не вреди да трошите пари, според дизајнери на ентериер

Не вреди да купувате столчиња и фотелји кои не се удобни

Кога купувате столчиња и фотелји, удобноста треба да биде приоритет.

Односно, навистина не вреди да дадете мало богатство за фотелја која изгледа уникатно и се вклопува во ентериерот ако никогаш нема да седнете на неа.

Плочките со дезени наскоро ќе станат демоде

Плочките се долгорочна инвестиција и секогаш е подобро да одберете безвременски модел отколку нешто тренди.

Периодов вистински хит се плочките со интересни дезени и геометриски форми, но многу дизајнери сметаат дека наскоро ќе станат демоде.

Затоа, многу подобар избор се еднобојните плочки.

Подобро избегнувајте ги муралите

Огромните цртежи на ѕидовите, познати и како мурали, изминативе неколку години станаа многу популарни.

Но, слично како со црната боја, подоцна може да ви биде тешко да ги покриете.

Белата боја значи и многу чистење

Иако просториите во кои доминира белата боја изгледаат навистина добро, бараат многу чистење.

На белиот мебел ќе се познаваат и најмалите дамки, па најдобро избегнувајте ја оваа боја, особено ако имате деца или миленици.

Спирова С. | Црнобело