Нов тренд на уредување за сите кои не сакаат минимализам – ќе се вљубите во еклектичниот стил (фото)

Кога поминувате многу време на Инстаграм гледајќи убавo уредени простори, дали понекогаш имате чувство дека сите домови се речиси идентични? 

Белата боја веќе предолго доминира во ентериерите, а минимализмот е сè уште присутен.

Поради недостатокот на работи во овие животни простори, понекогаш изгледа дека навистина никој не живее во нив и се декорирани само за убави фотки.

Доколку не сте љубител на минималистичко уредените простори, сигурно ќе ве израдува трендот кој полека добива популарност – еклектичниот стил на уредување на просторот.

Просторот е уреден на тој начин што се комбинираат различни, и на прв поглед неспојливи елементи и стилови, преземени од различни ери и уметнички правци.

Модерни парчиња мебел, во комбинација со винтиџ огледала со масивни рамки или пак тапети со мотиви од 70-тите години.

Добрата страна на еклектичниот стил на уредување е што нема строги правила коишто мора да ги следите, освен добрата композиција и деталите. Слободно може да ги ставите сите елементи кои вам ви се допаѓаат, се вклопуваат и ве прават среќни.

Еклектичните ентериери обожаваат максимализам. Многу слики на ѕидовите, зеленило на полиците, различни вазни за цвеќе, украсни перничиња, свеќи и секако многу необични детали, проекти од типот „направи сам“ и предмети донесени од патувања.

Доколку не сте преголем љубител на силни бои, може да го ограничите колоритот на пастелни нијанси и да си поиграте само со мешањето на стиловите.

(О)Милена | Црнобело