Извонредна куќа сместена во дланките на природата

Архитектите на овој објект искористиле природни материјали за да создадат прекрасна камена куќа сместена на пацифичкиот брег на Нов Зеланд. Оваа куќа е идеална локација за меден месец.

Интересното е тоа што кон објектот се пристапува само со хеликоптер. Токму тоа е причината поради која многумина се заљубуваат во ова место - осаменоста која им овозможува на гостите навистина да побегнат од секојдневието.

„Со дизајнирање на објект со таков прекрасен амбиент како што е овој, навистина се добива смисла дека луѓето и структурите, како што се карпите и дрвјата, се природен дел од планетата. Ние сме деца на Мајката Природа. Важно е да бидеме одговорни и респектабилни во нашиот однос со природата“, вели Петерсон.

Ѕидовите на куќата се изградени со користење на локални карпи, а бетонскиот покрив е покриен со трева со што се овозможува одлично вклопување во околината.

Една од најпечатливите карактеристики на овој објект е стаклената фасада преку која може да се доживее прекрасниот поглен кон океанот.

Живописните светли тонови и природни материјали доминираат во внатрешноста. Кујната и дел од мебелот се изработени од чемпрес, а контрастот е постигнат со софата во бела боја. Каменот и декрациите во етно стил дополнуваат создавање на пријатната атмосфера. Транспарентната фотелја креира простор за уживање со отворен поглед на водата.

Со нејзиниот специфичен дизајн, природните материјали и звукот на брановите на грегот, оваа куќа ви дава одлична можност да потонете во природата и целосно да се опуштите.

С. У. | Црнобело