Сиво-жолта хармонија: Во домот на Ивана од Скопје (фото)

Детали

сабота, 08 август 2020

Впечатлива жолта фотелја, лустер со геометриски дизајн, кали, слики на ѕидовите... На гости во домот на Ивана (25) од Скопје.

Ивана Илиева (25) е вработена во финансиска институција и паралелно е студент на Факултетот за Специјална едукација и рехабилитација, а исто така и студент на Академија за Графички дизајн.

Нејзиниот дом е одраз на нејзината личност и секој детаљ во него е внимателно избран.

Вели дека желбата за уредување на ентериери ѝ се појавила уште од мали нозе, со мешање на бои и правење на детски цртежи.

За CRNOBELO.com таа открива како се инспирирала за уредувањето на нејзиниот стилски дом:

„Отсекогаш сум сакала дома да ми е средено, комфорно и модерно, сето ова е наследено од мојата мајка која уште како мала ме учеше дека деталите се тие кои го прават домот целина.

Ме научи да размислувам креативно и да се обидувам да ги вклопувам работите сама, па затоа и голем дел од работите во мојот дом се DIY- проекти. 

Омилен од нив ми е табуретката која е рачна изработка.

Голем дел од инспирацијата за сите проекти ја добивам од студија за ентериери, веб страни за дизајни и платформата Pinterest.

Секое парче коешто е поставено во мојот дом е избрано со многу љубов и внимание, но омилено катче во него ми е делот каде може да ги правам промените според секое годишно време (бидејќи доста брзо ми здосадуваат работите, па сакам да правам промени). Тоа е оваа масичка која постојано трпи промени во текот на годината.

Продолжува на следната страна...