Младешки стан со пастелни детали

Детали

петок, 17 март 2017

Ви претставуваме модерен ентериер  уреден без грешка, со добитна комбинација на бои за ведар дом.

Не постои подобар начин да го разведрите и разубавите ентериерот каде владеат монохромијата и различните нијанси на сиво, од воведувањето дрвени површини и детали во пастелни бои.

Во овој стан, за таа намена е одбрана палетата нежни зелени тонови, во распон од боја на ф'стаци, па се до поeкспресивната нијанса на мента, кои се навистина добредојдено освежување.

Кујната, трпезаријата и дневниот престој сочинуваат една пространа целина, а визуелно се одвоени со помош на различните бои на ѕидовите и материјалите со кои се прекриени подовите.

Од друга страна, спалната соба отскокнува од остатокот на домот, бидејќи во неа преовладува црниот мебел, а вниманието го привлекува големиот ѕид со црвени цигли, што создава многу потопла атмосфера отколку во дневната зона.  

И бањата има неколку интересни решенија - од дрвените даски со кои е обложена една половина од ѕидот, до неговата друга половина која е изведена со сјајни сиви плочки. Дизајнот на подот е со геометриски дезен.

Погледнете како изгледа секое катче и инспирирајте се:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело