Елегантен италијански стан во кој ќе посакате да живеете (фото)

Детали

недела, 27 март 2016

Италијанскиот дизајн е синоним за стил, софистицираност и елеганција во животниот простор. Повеќето Италијанци имаат одличен вкус, а нивните куќи и станови се одраз на љубовта кон семејството и топлината на домот.

Ентериерите се префинети, грациозни и беспрекорно уредени, одржувајќи рамнотежа помеѓу убавиот изглед од една страна, и максималниот комфор и функционалност од друга.

Овој современ станбен простор во Кремона освојува на прв поглед со својата едноставност и удобноста која ја нуди во внатрешноста.

Изборот на бои се сведува на светли нијанси и неутрални тонови, кои воопшто не делуваат монотоно, туку се исклучително пријатни за окото, давајќи му смиреност и лежерна нота на станот во целина.

Големиот отворен простор е убаво осмислен и испланиран, а во него пригодно се сместени дневниот престој, трпезаријата и кујната.

Деталите се внимателно избрани и најзаслужни за стилскиот изглед и елегантниот допир во секоја од просториите.

• 
• 
• 
• 
• 
• 
• 
• 
• 
• 
•  

М. С. | Црнобело