Палата на небо: Луксузен апартман сместен во срцето на Њујорк

Детали

четврток, 04 јуни 2015

Апартманот се наоѓа во кулата Вокер која е една од најпознатите и најзначајните кули во населбата Челзи, Њујорк.

Ова е еден од прекрасните апартмани кои можат да се пронајдат на продажба на најголемата брокерска компанија Sotheby која е специјализирана за продажба на ликовна и декоративна уметност, недвижности и други луксузни предмети за страствените колекционери.

Самата зграда датира од 1929-тата година со фасада од цигли и инспирирана е од aрт деко движењето од тој период.

Името го добива од личноста која го потпишува договорот за нејзиното градење и проектирање, Ралф Томас Вокер кој меѓу другото претставува и еден од славните архитекти на векот.

Вокер кулата се издига високо над останатите згради во нејзината околина и има фантастичен и заштитен поглед на Менхетен од цели 360 степени. Зградата ја красат високи тавани и големи прозорци.

Денес содржи 47 луксузни резиденции кои ги задржуваат оригиналните детали од дизајнот на зградата кој датира од 29-тата година, но вклучува и модерни удобности, елегантен и софистициран начин на живеење.

Така е случајот и со овој апартман во кој можете да забележите дабов паркет поставен по француски принципи, автоматизација и контрола на аудио и видео опремата, сончеви покриви, пет прекрасни мермерни бањи, пет спални соби и секако прекрасен поглед кон центарот на самиот град.

Среќните сопственици имаат на располагање дневна библиотека, игротека, бар, јога соба, површина за сончање и сауна.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•