Кутија – куќа: Никогаш не би рекле дека ова е нечиј дом (фото)

Детали

вторник, 17 декември 2013

Како што кажува и самото име, „куќа на раб“ е проект кој оваа година го доврши архитектонското студио MacKay – Lyons Sweetapple. Лежи на самиот раб на карпестиот брег во Канада.

Опишана како едноставна и мирна резиденција, оваа навидум кутија, а сепак куќа, изградена е како викендица за едно многу зафатено семејство кое живее на релација Калифорнија – Нова Скотиа.

Неверојатно едноставна куќа, која од одреден агол изгледа како кутија што плови над Атлантскиот Океан, всушност е функционална двокатница направена од челик и дрва. Служи како идеално прибежиште од брзиот и активен американски живот.

Според објаснувањето на архитектите, не биле потребни многу финансии за нејзината изградба.

„Ова е скромна, достапна градба која е замислена како повторлив прототип. Голема челична конструкција на куќата ја држи над самиот раб од карпата. Истиот тој стил на конструкција се одразува и на внатрешниот ентериер. Резултатот е едноставен дом во облик на кутија, обложен со дрво“, објаснуваат архитектите.

Погледнете ја внатрешноста на оваа кутија – куќа низ фотографии

• 
• 
• 
• 
• 
• 
• 
• 
• 
• 
• 
• 
•