Домаќински совети од Македонка: „Што сè чистам во мојот дом со лимон (и како)?“

„Дали знаете дека лимонот можете да го примените во чистењето на вашиот дом? Доколку правите лимонада, не ги фрлајте половинките лимон туку искористете ги! Како? Еве ги моите трикови...“, споделува Сандра Малетски.

Сандра Малетски од Скопје, по професија е дипломиран педагог - магистер по менаџмент на човечки ресурси, сопруга на Станислав и мајка на 3-годишната ќерка Миа.

Таа веќе неколку години со своето семејство живее во Софија.

Во нејзиниот дом преовладуваат светли бои и сѐ е во совршена хармонија. Сандра има одлични навики кога станува збор за одржување на домот, а сега на нејзиниот Инстаграм профил откри дека во ова во голема мерка ѝ помага лимонот.

Нејзината објава, која веруваме дека ќе ви помогне и вас при чистењето:

Дали знаете дека лимонот можете да го примените во чистењето на вашиот дом? Доколку правите лимонада, не ги фрлајте половинките лимон туку искористете ги! Како? Прочитајте:

Со лимон можете да ги исчистите мaсните наслаги во кујната
- Земете половинка лимон и обилно наросете ја со сол. Со неа можете да ги чистите плочките (особено делот над плотната каде што најчесто се прават масни флеки).
Капнете лимонов сок врз дел кој сакате да го исчистите (рингла, рерна, решетка) и оставете го 5 минути да делува, а потоа додадете сода и исчистете.

Исчистете ја даската за сечкање
- Половина лимон и морска сол, протријте ја добро даската за сеќкање, а потоа исплакнете ја со вода. Лимонот освен што ќе ја исчисти, ќе го неутрализира и мирисот од кромид/лук.

Отстранете ги досадните флеки од бигор на чешмите
- Колку и да ги чиститите флеките, доволно е неколкупати да измиете раце и тие повторно се таму. Со половина лимон протријте ја чешмата, исплакнете и избришете со сува крпа.
Доколку има тврдокорни дамки, посипете врз лимонот и сол, исчистете со четка, па исплакнете.

Исчистете ‘рѓа
-Доколку забележите ‘рѓа, направете густа смеса (паста) од лимонов сок и сол. Нанесете на деловите кои сакате да ги исчистите и оставете да делува половина час. Потоа исплакнете со топла вода.

Исчистете ја микробрановата печка
- Измешајте неколку лажици лимонов сок со 300ml вода во еден сад соодветен за микробранова печка. Ставете го садот во микропечката и пуштете ја на повисока температура 5 минути. Потоа избришете ја внатрешноста со крпа. Лимонот ќе помогне да се неутрализира непријатниот мирис.

Погледнете како изгледа нејзиниот дом На гости кај Сандра Малетски во Софија: Дом на Македонка кој плени со софистицираните детали (фото)

С. С. | Црнобело