За здравје, готвење, чистење и убавина: За што сѐ може да користите сода бикарбона?

Сода бикарбоната е фасцинантна состојка која има огромни примени и користи во многу делови од секојдневието.

Сите ја имаме во домот, а наоѓа примена во секое домаќинство, за чистење, перење, готење, здравствени ефекти, нега и убавина и уште многу  други работи.

Доколку за нешто од ова не сте знаеле, вреди да прочитате, бидејќи може да ви се најде во секој момент.

За што сè може да користите сода бикарбона во секојдневниот живот:

За перење облека

Растворањето на сода бикарбона во вода и директно нанесување врз облека или во машина за перење ќе помогне за:

• Омекнување на облеката и елиминирање на непријатни мириси
• Отстранување на жолти дамки од облеката и долната облека
• Зголемување на ефектот на белење за време на перењето
• Отстранување на дамки од овошје и вино
• Отстранување на дамки од масло
• Отстранување на дамки од мастило

За во кујна

Сода бикарбоната е многу ефективен и природен чистач, а ако ја ставите на крпа или сунѓер може да ви помогне за:

• Чистење на микробрановата и рерната
• Отстранување на масни дамки од дрвениот мебел
• Дезинфекција на работната маса
• Чистење на копчињата без да ги отстраните боите или показателите
• Отстранување на дамки од чај и кафе на работната површина
• Чистење на стаклените површини
• Миење на овошје и зеленчук за ослободување од пестициди
• Чистење на внатрешноста на фрижидерот и замрзнувачот
• Отстранување на залепените остатоци од храна во тавите

За чистење на домот

Растворете малку сода во вода и ќе добиете средство за чистење на многу работи. Искористете го како спреј или со помош на крпа ќе ви помогне за:

• Чистење накит, метални аксесоари и полирање на хромирани работи
• За дезинфекција на бањата и подот, како и отстранување на мувла од завесите во бањата
• За отпушување цевки
• За чистење решетки од скара
• За избелување на чевлите
• За чистење на пеглата за облека
• За чистење на плишани играчки

За непријатни мириси

Сода бикарбоната исто така е моќен неутрализатор на мириси, па ставете ја на крпа или оставете ја во шолја. Ќе ви помогне за:

• Ослободување од непријатен мирис во чевлите
• Елиминирање на непријатен мирис од рацете
• Отстранување на мирисот од фрижидер или микробранова
• Елиминирање на лошиот мирис од кантата за ѓубре
• Ослободување од мирисот на урина на домашните миленици
• Отстранување на застоениот мирис на душекот
• Спречува умирисување на облеката во куфер
• Миризба во автомобил

Состојка за готвење

Речиси во секое домаќинство има сода бикарбона, а истата наоѓа голема примена во готвењето, како на пример за:

• За омекнување на говедското и пилешкото месо
• За пирето од компир да биде уште помеко
• За неутрализирање на киселината во сокот од портокал
• За задржување на белата боја во карфиолот и ослободување од силниот мирис

За здравствени проблеми

Сода бикарбоната може да помогне и за решавање на некои ситни проблеми во организмот и телото. Измешајте ја со вода и користете ја како топла облога, направете гаргара или испијте ја, зависно од потребата, а може да помогне за:

• Полесно варење на храната
• Ослободување од гасови предизвикани од претерано консумирање зеленчук
• Намалување на иритација од отров или изгореница од медуза
• За чистење на затнат нос
• Ослободување на болка во зглобовите
• Смирување на изгорен јазик
• Смирување на киселини

За дентално здравје

Гаргара со сода бикарбона и вода исто така има корист и за денталното здравје, а ќе ви помогне за:

• Спречување на забен камен
• Ослободување од лошиот здив
• Против гингивитис
• Лекува ладни рани и распукани краеви на устата
• Ги чисти забите

За нега на коса и лице

Сода бикарбоната е верен пријател кога станува збор за убавината. Може да ја користите за:

• Спречување на иритации на кожата после бричење
• Борба против акни и црнки, се користи како пилинг (помешана со други состојки)
• Ослободување на токсините од кожата
• Миење на косата без шампон (во вонредни ситуации)
• Спречување првут
• За избелување на темните делови под пазувите
• За омекнување на кожата на лактите и колената

Други интересни примени на содата

Во случај на пожар, сода бикарбоната може да се користи како направа против пожар

• Против инсекти – мравки, лебарки
• Против штетници во градината

М. М. | Црнобело