За машината за перење да не ви се расипе: Што треба да правите секои 3 месеци?

Сите се плашиме дека кога ќе купиме нов апарат за домаќинство, нема да потрае долго или не го одржуваме правилно.

Во случајот со машината за перење облека има еден главен проблем – тврдата вода која создава бигор и ја отежнува работата на машината. Па, ако не се чисти редовно, може да предизвика голема штета.

За среќа, постојат лесни трикови кои треба да ги практикувате барем еднаш во 3 месеци за машината да остане чиста, без непријатни мириси, бактерии и бигор.

Алкохолен оцет и сода бикарбона

Алкохолниот оцет ја дезинфицира внатрешноста на машината, додека сода бикарбоната ги решава непријатните мириси.

Ставете 1 шолја оцет и 1 шолја сода бикарбона во преградите за прашок и пуштете машината да изврти еден празен циклус на највисока температура.

Сок од лимон

Ако имате проблем со ‘рѓа, вклучете ја машината на највисока температура, на вриење. Додајте 2 чаши сок од свеж лимон. Кога машината ќе заврши повторно пуштете на иста температура, меѓутоа овојпат без лимон.

На овој начин ја чистите внатрешноста од каква било нечистотија.

М. Д. | Црнобело