9 чекори за домот да ви биде среден за помалку од 20 минути

Без разлика на тоа дали треба да ви пристигнат неочекувани гости или се подготвувате во последен момент, речиси секој барем еднаш во животот чистел панично.

И секако, почетокот е најтежок, ама компанијата „Fantastic Services“ за чистење открива како самите можете да направите домот да ви заблеска за помалку од половина час без разлика на тоа колку ви е голем домот.

9 чекори за панично чистење на домот:

1. Изгасете ја музиката

Ви се чини како чуден совет? Ама професионалните чистачи од „Fantastic Services“ велат дека музиката само ви го одзема вниманието, па најдобро е да се фатите на работа во комплетна тишина.

2. Отворете ги прозорите

Дури и ако е студено, отворете ги прозорите. Свежиот воздух ќе ви даде повеќе енергија и мотивација за чистење, плус ако има непријатна миризба ќе исчезне.

3. Соберете ја облеката

Облеката која е расфрлана во дневната инстантно прави домот да ви изгледа валкано и нечисто, па најдобро е да ја соберете, како за почеток, доволно е да ја фрлите во корпата за валкана облека.

4. Кренете си го креветот

Можеби никој нема да ви влезе во спалната, ама тоа не значи дека не треба да ја средите. Како за почеток, средете си го креветот.

5. Исчистете го подот

Одзема време, ама доволно е барем со метла или правосмукалка да ја соберете прашината и секако, почнете со дневната, а потоа преминете на другите делови од домот.

6. Користете само едно средство

Добро е да имате едно милтифункционално средство со кое можете да прскате насекаде во домот и по брза постапка да избришете сè.

7. Фрлете ги отпадоците

Не оставајте отпадоци дома, сè што е расфрлано, насобрано по кантите и надвор, соберете го и фрлете го.

8. Исчистете го тоалетот

Никому не му е омилена работа да го средува тоалетот, ама добро е кога ќе ви дојдат гостите и тој да биде барем малку среден. Барем тоалетната школка добро е да е чиста.

9. Соберете ги садовите

На крајот, доколку имате време добро би било и да ги соберете садовите на едно место, како во машината за садови.

Н. Г. | Црнобело