Трикови за чистење со продукти што сигурно ги имате дома

Можете да искористите мешавина од бел оцет и сода бикарбона за бигорот во тоалетната школка, но и за да ја исчистите рерната. Што друго можете да исчистите со слични продукти што веќе ги имате дома?

Денес постојат продукти за чистење сè и сешто, но ако избегнувате силни хемикалии или во моментот немате нешто при рака, можете да употребите и продукти што веќе ги имате дома, како оцет или сода бикарбона.

Трикови за чистење со продукти што ги имате дома:

Исчистете го тепихот со сода бикарбона или нишесте

Сода бикарбоната и нишестето (пченкарен скроб) ги впиваат непријатните мириси и влагата, а можат да бидат ефикасни и против некои дамки.

Ставете тенок слој сода бикарбона или нишесте на тепихот, оставете да отстои околу половина час, па сметете го тепихот со правосмукалка.

Отстранете восок од свеќа со пегла

Ако ви се истури восок на тепихот или на друга ткаенина, можете да го отстраните со пегла за облека.

Врз восокот ставете крпа, па врз крпата поминете со пеглата.

Од топлината, восокот ќе се залепи за крпата и ќе се отстрани од тепихот или ткаенината.

За овој трик користете стара крпа или ткаенина бидејќи потоа ќе треба да ја фрлите.

Исчистете ги дамките од облека со компир

На сите ни се случило ненамерно да обоиме некое парче облека во пералната. Во овој случај можете да ја спасите облеката со компир.

Најпрво темелно измијте го компирот, па целиот ставете го во тенџере со вода. Во меѓувреме, ставете ја облеката во многу студена вода.

Кога водата со компирот ќе зоврие, тргнете го од оган и ставете ја облеката во тенџерето.

Оставете да отстои барем половина час, па исперете ja како вообичаено.

Имајте на ум дека овој трик треба да го користите само за бела облека, која може да се пере на многу високи температури. Во спротивно, можете да ја уништите.

Исчистете ја пералната со бел оцет

Пуштете ја пералната празна, на повисока температура, а во садот за детергент ставете две шолји бел оцет.

Оцетот, во комбинација со топлата вода, ќе ја дезинфицира пералната и ќе го спречи развојот на бактерии.

Кoга пералната ќе заврши, можете и темелно да ја исчистите гумата на вратата со крпа натопена со оцет.

Продолжува на следната страница...