Неколку причини зошто постојанo сте уморни, дури и кога спиете доволно

Чувствителност на некоја храна

Ако постојано се чувствувате изморено, а нема никаква причина за тоа, постои веројатност да имате чувствителност на некоја храна.

Ако покрај заморот чувствувате и подуеност, дијареја и слично, направете некои промени во начинот на исхрана и почнете да се храните поздраво.

Истовремено, нездравата храна полна со шеќери и јаглехидрати може да предизвика нагло опаѓање на нивото на шеќер во крвта, а ова прави да се чувствувате уморно.

Замор од стрес

Постои теорија дека константниот стрес може да направи да се чувствувате уморно, без разлика дали се храните здраво и спиете доволно.

Според оваа теорија, вашате надбубрежна жлезди почнува да лачат адреналин и кортизол кога сте изложени на стрес. Овие хормони го зголемуваат крвниот притисок и го забрзуваат чукањето на срцето.

Кога постојано сте изложени на стрес, надбубрежната жлезда „прегорува“ поради постојаното лачење хормони, па вие постојано се чувствувате уморно.

Наводно, некои лекари не ја прифаќаат оваа теорија, но секако ќе ви биде од корист да најдете начин да се справите со стресот.

Недијагностицирана апнеа

Апнеата е нарушување кое предизвикува отежнато дишење во текот на сонот.

Ако се чувствувате многу уморно дури и ако сте спиеле 7-8 часа, а истовремено и ’рчите гласно, најдобро направете проверка за апнеа.

Спиете премногу

Недоволното спиење предизвикува проблеми, но истото важи и за претераното спиење. Всушност постои и нарушување кое, на некој начин, е спротивно на инсомнијата – хиперсомнија.

Луѓето со ова нарушување постојано се чувствуваат поспано, тешко им е да останат будни, а неретко им се случува и да заспијат каде било.

Дури и ако немате хиперсомнија, но спиете повеќе од девет, десет часа навечер, следното утро најверојатно ќе се чувствувате уморно.

Колку сон му е потребен на човекот?

Секој човечки организам е различен, па додека некои луѓе се наспани со 6 часа, на други им требаат 8 часа сон.

Потребата од сон зависи и од возраста – на бебињата и тинејџерите им се потребни повеќе, а на возрасните помалку часови.

Генерално, експертите препорачуваат дека возрасните е најдобро да спијат помеѓу 7 и 9 часа. Најдобро е да го слушате вашиот организам за самите да откриете кое оптималното време на спиење за вас.

Препорачано време на спиење според возраст

• Новороденчиња (0-3 месеци): 14-17 часа
• Бебиња (4-11 месеци): 12-15 часа
• Деца (1-2 години): 11-14 часа
• Претшколска возраст (3-5 години): 10-13 часа
• Школска возраст (6-13 години): 9-11 часа
• Тинејџери (14-17 години): 8-10 часа
• Млади возрасни (18-25 години): 7-9 часа
• Возрасни (26-64 години): 7-9 часа
• Постари лица (65+ години): 7-8 часа

Спирова С. | Црнобело