Стрес, промена на телесната тежина и уште 8 можни причини за нередовна менструацијата

Пилули за „ден потоа“

Овие пилули функционираат така што ја одложуваат овулацијата – кога нема да се ослободи јајце клетка, ќе нема ни што да се оплоди, па се избегнува бременоста.

Овие пилули можат да предизвикаат хормонални промени кои резултираат со подранета или задоцнета менструација.

Синдром на полицистични јајници

Ова хормонално нарушување може да влијае врз менструалниот циклус и да го направи пократок или подолг.

Сексуално преносливи болести

Некои сексуално преносливи болести, како кламидијата, можат да предизвикаат иритација на матката и крвавење. Важно е да знаете дека во овој случај не станува збор за менструација и најчесто се јавуваат и симптоми како болка за време на секс, печење кога уринирате, болка во стомакот и вагинален исцедок.

Ако ги имате овие симптоми, веднаш одете на лекар.

Ендометриоза

Ова е нарушување при кое ткивото што се наоѓа на матката почнува да расте надвор од неа. Нарушувањето често е придружено со многу болни менструации, па дури и неплодност.

Некогаш може да предизвика крвавење помеѓу две менструации, кое жените обично грешно го сметаат да подранета менструација.

Крвавење од имплантација

Имплантацијата се случува на почетокот од бременоста, кога оплодената јајце клетка се „закачува“ за матката. Некогаш овој процес предизвикува слабо крвавење, кое може да се појави неколку денови пред датумот за вашата менструација.

Ако сметате дека ова е причината, најдобро е да купите тест за бременост и да одите на гинеколог.

Веројатно постојат и многу други причини за доцнење на менструацијата и не секогаш е лесно да одредите која е вашата. Ако сте загрижени за промените во менструалниот циклус, најдобро е да се консултирате со гинеколог.

Ако менструацијата ви подранила само еднаш, најверојатно причината е стрес или некоја слична промена и нема простор за грижа. Но, ако ова ви се случува редовно, или ако задоцувањето/подранувањето е повеќе од неколку дена, најдобро е да одите на лекар, особено ако подранувањето е придружено и со други симптоми, како болки.

И, нормално, не земајте лекови, хормонални средства за контрацепција и слично без да се консултирате со лекар.

Спирова С. | Црнобело