Прва помош на плажа: Што да правите ако ве опече медуза?

Ништо не може да го уништи прекрасниот летен одмор како блиско сретнување со медуза.

Медузите не се лесни за воочување, па многу лесно може да ве опечат без да ги забележите.

На местото на кое ве допреле обично ќе забележите црвенило на кожата, отекување, чешање и болка кои може да траат до недела дена.

Што да правите во случај ако ве опече медуза?

Што попрво излезете од водата. Исплакнете го местото со физиолошки раствор или чиста морска вода и отстранете ги делчињата кои останале на кожата (секако не со гола рака).

Никако не измивајте со обична вода бидејќи таа ги влошува симптомите.

Најдете коцки мраз и замотајте ги во крпа или пешкир. Држете на болното место околу 15 минути за да го спречите отекувањето.

Задолжително заштитете го испеченото место од сонце.

Болното место исто така е препорачливо да се намачка со крема која содржи аналгетик.

Болното место никако не го тријте со пешкир.

Симптомите би требало да исчезнат по неколку часа, но ако опекотината предизвика алергиска реакција, неопходно е да побарате лекарска помош.

М. Д. | Црнобело