5 причини кои може да предизвикаат проблем со циклусот во лето

Летото е време за опуштање, помалку обврски, повеќе време поминато надвор на сонце и повеќе патување. Иако едвај го чекате, сепак тоа има и свои негативни страни, бидејќи овие работи може да му направат многу непријатни промени на вашиот циклус.

Дури и најточните циклуси можат да бидат пореметени поради овие летни активности:

1. Прекумерно вежбање

Сите сме поактивни во лето. Прво, затоа што сакаме да изгледаме колку е можно подобро на плажа, па вежбаме многу повеќе за да надокнадиме, а и поради тоа што многу повеќе практикуваме летни прошетки.

Сè во нашето тело е поврзано - хормоните, мозокот и репродуктивниот систем. Ако наеднаш почнеме да вежбаме поагресивно и нашиот циклус почнува да доцни тоа значи дека време е да намалиме на вежбањето.

Вашето тело ви кажува дека сте претерале и дека ги нема потребните ресури за да го издржи притисокот.

2. Брзо намалување или зголемување на тежината

Вежбањето оди рака под рака и со промена на начинот на исхрана. Сепак, постои недоразбирање за тоа дека треба да се јаде колку е можно помалку. Кога вашето тело се соочува со вакви изненадни промени во исхраната, циклусот е тој кој веднаш тоа го забележува.

Ако накачите многу тежина, вашиот циклус може да стане абнормален. Еднаш може да биде неумерен и тежок, а следен месец може воопшто и да го нема. Ако намалите тежина, тогаш еден месец може да биде полесен, а другиот повторно да го нема воопшто.

3. Стресен период

Овој период може да биде полн со венчавки, дипломски, преселувања, почнување со нова работа, или со грижа за да најдете работа. Големите промени во животот се една од најголемите причини за стрес.

Мозокот игра витална улога во вашиот циклус, па така ако сте под значителен стрес, тоа може да влијае на вашите хормони и да ја одложи овулацијата, а со тоа и наредниот циклус.

4. Инфекции од топлото време

Промени во времето од ладно на топло, можат да влијаат и врз зголемувањето на бројот на бактериски инфекции, кои можат да бидат причина за абнормален циклус. Затоа во летните месеци не носете многу тесна облека и носете памучен долен веш.

Пијте многу течности и не останувајте многу долго во мокри бикини, откако ќе се бањате.

5. Хормонска терапија

Контрацептивните пилули се тренд кој е сè уште во раст кај жените. На тој начин го регулирате циклусот и сте сигурни дека нема да се појави во несакан период кога имате важен настан или кога одите на одмор.

Но, сепак на телото му треба време да се навикне да функционира со нив, или без нив ако сте ги користеле подолг период. На овој начин циклусот може да доцни и повеќе недели и месеци.

А. В. | Црнобело