10 знаци дека не внесувате доволно калциум

Калциумот не е важен само за здрави коски, туку и за добриот крвен притисок, здравјето на срцето и телесната тежина.

Начинот на кој функционира калциумот е така што патува низ нашата крв, а потоа се складира во коските. Отпуштањето на калциумот од коските повторно во крвотокот настанува ако не внесувате доволни количини на калциум.

Токму заради тоа симптомите на недостаток на калциум во крвта се забележува како „меки коски“.

Недостатокот на калциум можете да го препознаете по следниве знаци:

Често кршење на коските

Кариес. Во принцип, кариесот е резултат на лошата хигиена на забите, но и недостатокот на калциум допринесува во целокупниот проблем, посебно кај младите и трудниците.

Рахитис кај деца. Рахитисот е омекнување и слабеење на коските кај децата, а најчесто се јавува како резултат на екстремниот недостаток на Д витамин кој помага во апсорпцијата на калциумот.

Остеопенија и осеопороза. Посебно кај старите.

Висок крвен пристисок. Личностите кои не внесуваат доволни количини на калциум се под поголем ризик од хипертензија. Калциумот може да помогне во благото снижување на високиот крвен притисок.

Дебелина. Консумирањето на млечни производи докажано помага во елиминирањето на вишокот на килограми.

Пецкање и вкочанетост во прстите. Тоа укажува на сериозна нерамнотежа на калциумот во организмот која често се поврзува и со други заболувања како што е хиперпаратиреоидизам.

Летаргија

Грчеви и мачнини

Абнормален срцев ритам

Како да го избегнете недостаток на калциум?

Најдобар начин да го зголемите внесувањето на калциум е преку храна, но тоа зависи и од тоа колкава количина од тој калциум ќе се апсорбира.

Најголеми извори на калциум се:

• Млечни производи
• Риба
• Соја
• Зеленчук со темно зелена боја

Покрај горенаведените постојат и намирници кои влијаат на начинот на кој калциумот се апсорбира. Преголеми колични на алкохол, сол, цигари и кофеин ја спречуваат апсорпцијата на калциум во организмот.

Искористувањето на калциумот кој го внесувате го зголемуваат:

• Јаглехидратите
• Витаминот Д
• Витаминот К
• Магнезиумот
• Фосфорот

Препорачани дневни дози на калциум се:

За возрасни до 25 години: од 1000mg до 1200mg

За возрасни над 25 години: 800mg до 1000mg

Трудници и доилки: 1200mg

Жени во менопауза: 1200mg

Н. Г. | Црнобело