Со јога до обликувано тело

Време е да го подготвите вашето тело за на плажа! Подобро е уште од сега да правите планови, отколку во последен момент да започнете со исцрпувачки...

 

 

...  диети кои ретко ги даваат посакуваните резултати.

Почнете со јога – не само што завидно ќе го обликувате вашето тело, туку ќе се здобиете и со душевен мир кој ќе ве ослободи од стресот.

Ако од скоро почнавте да ја вадите летната облека која ви е за некој број потесна и ако се шокиравте од вашиот изглед во костимот за капење, тогаш пробајте ги следниве вежби кои ќе ви помогнат повторно да изгледате заводливо:

Јога вежбите кои би ги препорачуваме се добри за срцето, мускулите и духот. Ги топат вишокот од калории, а забрзаното чукање на срцето брзо ќе ја испумпа крвта низ вашето тело со што и психички ќе се чуствувате подобро.

Легнете на земја со лицето надоле, а со рацете подигнете го телото и ставете една нога до областа под градите. Скокнете и заменете ја положбата на левата со десната нога, придржувајќи се притоа на прсти отворени во ширина на рамената.

Повторете ја оваа вежба 10 – 20 пати. Пробајте да ја правите вежбата без да правите голема врева, не само поради комшиите туку од опасноста од јаките удари на стопалата да не се повредите. Изведувајте го тоа елегантно и сконцентрирано.

Вежба "Како за склекови"

Поставете го вашето тело како да ќе правите склекови, така што со стопалата да се држите на прсти, рацете поставете ги рамно со рамената, а дланките паралалени со подот на тлото.

Не правите склекови, туку едноставно стоите во таа положба при што го задржувате воздухот. Вовлечете го стомакот и пробајте да се држите не пуштајќи го воздухот, па потоа исдишете и така повторете ја вежбата 10 пати.

Вежба "Поздравете го сонцето"

Извонредна вежба која го активира цело тело. Додека ја вежбате вежбата “поздрав до сонцето” дишете длабоко.

Застанете, поставете ги стопалата паралелно и спуштете ги рацете на земја покрај стопалата. Спуштете се во “мост”, а потоа во скок една нога нека ви е свиткана а другата испружена, па исправете го грбот, а рацете кренети ги нагоре.
Повторете ја оваа вежба 10 пати менувајќи ги нозете.

Вежба “Столица”

Застанете прави како свеќа, а споени се нозете а рацете спуштени покрај телото. Полека спуштајте го задникот и клекнувајте како да седнувате на стол, а рацете дигајте ги нагоре истегнувајќи се колку што е можно повеќе и вдишете. Задржете го дишењето а потоа издишете. Повторете ја оваа вежба 10 пати.

Повторувајте ги овие вежби секој ден, нема да ви одземат многу време, а за месец  дена повторно ќе изгледате неодоливо во вашиот лански костим за капење.