10 промени на вашите стапала што можеби укажуваат на здравствен проблем

Додека студените стапала можат да бидат знак за слаба циркулација, отечените стапала неретко се резултат на прекумерна тежина или консумирање многу сол. Но, што значат другите промени на стапалата и кога треба да бидете загрижени?

Некои промени на стапалата ни се случиле на сите. И, ако се повремени, не треба да бидат причина за загиженост.

Сепак, ако често чувствувате некој симптом како грчеви или отоци, добро би било да преземете нешто.

Промени на стапалата кои можат да бидат знак за проблем со здравјето:

Испукани пети

Ако не водите добра грижа за стапалата, петите ќе ви се исушат, а кожата може дури и да испука.

Но, ако петите ви се испукани и многу суви и покрај добрата нега, можно е да станува збор за проблем со тироидната жлезда.

Сепак, имајте на ум дека има и други фактори кои влијаат на оваа појава како носење сандали, суво и студено време и стоење на долги периоди.

Исто така, ако природно имате многу сува кожа, поверојатно е да се соочите со овој проблем.

Грчеви на стапалата

Грчевите на стапалата можат да бидат мошне непријатни, а постојат неколку причини за нивна појава.

Дел од најчестите се дехидратација, ниско ниво на калиум, оштетени нерви и носење многу тесни чевли.

Студени стапала

Кај некои луѓе е нормално стапалата и дланките да им бидат постудени.

Ако и вие спаѓате овде, а притоа не чувствувате други симптоми, најверојатно нема потреба за грижа.

Студените стапала можат да бидат предизвикани и од лоша циркулација, повреда, алкохолизам, недостаток од одредени витамини, проблеми со тироидната жлезда, како и од некои лекови.

Сува кожа што се лупи

Дел од најчестите причини за лупење на кожата на стапалата се природно многу сува кожа, егзема, псоријаза и проблеми со тироидната жлезда.

Ако лупењето на кожата е пропратено со други симптоми, препорачливо е да одите на лекар.

Отечени стапала

Отечените стапала се доста чест проблем, а покрај бременоста која е најпознат причинител, постојат и други фактори кои влијаат врз оваа појава.

Генерално, стапалата отекуваат ако јадете многу сол, ако имате прекумерна тежина, но и ако пиете одредени лекови, како лекарства за крвен притисок, хормонски апчиња, антидепресиви…

Продолжува на следната страница...