„Имам 51 година и си го направив лицето како на Деми Мур - за подмладувањето ви треба само селотејп“

„Бесна сум и не ми е јасно зошто Деми Мур прифати да прикаже дека достоинственото стареење е непривлечно. Имам две ќерки тинејџерки и не сакам да мислат дека кога ќе наполнат 50 години ќе треба да прават вакви бесмислени работи.“

Лицето на Деми Мур го привлече вниманието на Модната недела во Париз. 58-годишната актерка изгледаше многу помладо, но и доста изболичено и непрепознатливо во ликот, па имаше лавина од реакции зошто си го уништила лицето со пластични операции.

Сепак, денови подоцна таа се појави во своето природно издание и докажа дека не правела пластични операции, туку била подмладена строго за шоуто на Fendi со помош на лепенки на лицето.

Но, како успеа така да ги дефинира јаболчниците и да има резултат како од пластична операција?

Новинарката Ванеса Холбурн која има 51 година и е мајка на две девојки тинејџерки одлучи да си направи фејслифт за 10 минути како Деми.

Нејзината приказна:

„Јас наполнив 51 година во октомври минатата година и сум 7 години помлада од Деми, но за време на онлајн состаноците за време на пандемијата, не можев, а да не забележам дека мојата брада и врат се паднати надолу и дека кожата не ми е како порано.

Стареам и гравитацијата ја добива битката.

Па, се прашував како Деми – жена која имала 3 сопрузи, одгледала 3 деца и се борела со зависноста од алкохол и дрога, на речиси 60 години изгледа толку помладо од мене...

Но, ми текна дека и Кејт Мос сум ја видела со слично лице на шоу на Fendi, па сфатив дека станува збор за некаков трик и игра со шминка.

Дознав дека трикот се крие во „селотејпот“, па си реков ајде ќе тестирам дали за 10 минути можам да се подмладам 10 години?

Се разбира, не користев селотејп, туку купив специјални ленти за подигнување на кожата (од брендот Mark Traynor) и ги ставив на себе. За само неколку минути очите ми добија форма на очи на мачка, јаболчниците ми станаа поостри, а усните истакнати.

Сетот на ленти се поставува на главата и вратот, а потоа се завршува со контурирање со помош на шминка.

Изгледав декади помладо, личев на лута фламенко танчарка.

Но, сепак овој фејслифт, иако само привремен, не е за мене. Не само што лентите на главата ми предизвикуваат мигрена, туку ќе живеам во страв дека некоја од лентите ќе пукне во секој миг и ќе извади некому око. А најважно од сѐ имам две ќерки тинејџерки и не сакам да мислат дека кога ќе наполнат 50 години ќе треба да прават вакви бесмислени работи.

Придобивката од годините е мудроста и ако неколку брчки на лицето докажуваат дека сте живееле живот, нема зошто да се срамите.

Не знам зошто Fendi на шоуто се труди да ги стави моделите во „антиејџ“ машина (машина за против стареење), но уште повеќе се прашувам зошто Деми Мур и Кејт Мос го прифатиле тоа? Зошто прифатиле да прикажат дека достоинственото стареење е непривлечно?

Деми мора да се бори против ова, мора да руши предрасуди како кога позираше гола во 1991 година за насловната страница на Vanity Fair во 7-от месец од бременоста. Тоа е таа Деми што ја знаеме и сакаме.“

Прочитајте и Лицето на Деми Мур (58) изобличено од пластични операции - лавина реакции на Твитер

С. С. | Црнобело