Ретро совети за убавина со кои секогаш ќе изгледате негувано

Секој ден сме преплавени со нови трендови и трикови за убавина. Но, покрај модерните совети, не треба да заборавиме и на оние „старовремски“.

Понекогаш и советите кои ни ги даваат бабите, кои можеби звучат смешно во моментот, имаат голема корист во грижата за убавина.

Па, доколку сакате да пробате нешто ново, а сепак старо, обидете се со следниве трикови:

Трикови за коса

1. Ако косата (посебно на русокосите) има зеленкаста нијанса, сокот од доматот може да ви помогне. Нанесете го низ цели прамени како маска и почекајте 10 минути. Црвениот пигмент ќе ја неутрализира зелената нијанса и косата повторно ќе изгледа прекрасно.

2. За да се справите со првутот, искористете го аспиринот. Искршете две таблети и додавајте ги во шампонот на секои 2 недели.

3. Осветлување на косата може да се постигне и без користење на фарби, туку како што веќе сигурно ви е познато, со лимон и камилица. Истурете 25 g камилица во чаша зовриена вода и оставете 1 час.

Потоа додадете сок од половина лимон и нанесете на косата по должина. Оставете да делува најмалку 1 час и исплакнете.

4. За косата да ви биде мазна, сјајна и здрава, по миењето, истријте ја со јаболков оцет и вода.

За здрава и сјајна кожа

5. Ако под очите ви се појават темни кругови, ставете компир исечен на половина врз потемнетиот дел. За 15 минути кожата ќе изгледа посветло.

6. Од црнките на лицето можете да се ослободите со едноставен природен рецепт. Измешајте 1 лажица мед, брашно и вода, нанесете од смесата на памук и држете 10-15 минути на проблематичното место.

7. За ослободување од акните ќе ви помогне алоето. Листот пресечето го на пола и зацврстете го со фластер врз проблематичното место. Алоето има антисептичко својство, па воспалението брзо ќе помине.

8. За акните исто така помага и лимонот. Сокот од лимон измешајте го со вода во еднакво пропорционални количини и нанесете врз проблематичното место. Антибактериските својства на лимонот помагаат во подобрување на кожата преку ноќ.

Бонус трикови

9.За парфемот да ви биде потраен, чувајте го во фрижидер.

10. За да не претерате со мирисот на едно место, ставете парфем на чешел и поминете со него низ косата.

11. Зглобовите ќе ви помогнат да најдете најдобра нијанса на руменило. Стиснете ја кожата на внатрешната страна на зглобот на раката и бојата на поцрвенетата кожа е бојата на руменило која најмногу ви одговара.

М. М. | Црнобело