Летни маски за регенерација на косата оштетена од сонце

Во летните денови, на косата ѝ е потребна дополнителна нега. Сончевите зраци го оштетуваат влакното па затоа е важно по одморите косата да се обнови и да ѝ се врати бујноста и сјајот.

Ви предлагаме 4 едноставни маски за брза регенерација на косата оштетена од сонце:

Маска од мед и коњак

Измешајте една чашка коњак со една лажица мед и додадете една лажица сол. Смесата нанесете ја на косата и завиткајте ја главата со пешкир. По 30 минути, измијте ја косата со топла вода и шампон.

Маска со алое вера и јајце

Измешајте една лажица алое сок со две жолчки. Можете да додадете и малку лук. Нанесете ја маската и по 40 минути, измијте ја косата со ладна вода.

Маска со јогурт

Измешајте една шолја јогурт со една лажичка безбојна к’на. Втријте ја маската во коренот и оставете да отстои 30 минути. Измијте ја косата со шампон.

Маска со лимон

Измешајте сок од половина лимон со 4 лажички бадемово или кокосово масло. Втријте ја смесата во косата и почекајте 20 минути пред да ја исплакнете.

М. В. | Црнобело